Amaia Barredok artzaintzaren balioa azpimarratu du
Eusko Jaurlaritzako Elikadura, Landa Garapen, Nekazaritza eta Arrantzako sailburu Amaia Barredo Ordiziako Artzain Egunean izan zen, eta bertan adierazi zuen “gaur ez dugula omenaldia egiten soilik lanbide bati, baita bizimodu bati, belaunaldiz belaunaldi transmititutako jakintza bati eta gure herriarentzat ezinbestekoa den lan bati ere”.
Barredok azpimarratu duenez, “artzaina izatea ez da iraganeko kontu bat, etorkizuneko kontua da; artzaintzak jarduera ekonomikoa, paisaia, biodibertsitatea, kultura, komunitatea eta elikadura-burujabetza mantentzen ditu”.
Sailburuak “lehen sektorearen prestigioa eta duintasuna” aldarrikatu ditu, eta nabarmendu du “elikatzen gaituztenak baloratzen ez dituen gizartea ahultzen den gizartea da”. Era berean, Eusko Jaurlaritzak epe luzeko ikuspegiarekin sektorea indartzeko lanean ari dela gogorarazi du, besteak beste, amaiera fasean dagoen Euskadiko Nekazaritza eta Elikagaigintza Politikaren Lege, Landa Garapeneko 2030 Estrategia eta Landa Garapeneko Euskal Sare berriaren bidez.
Azkenik, Barredok adierazi du “lehen sektorea defendatzea gure herriak, gure lurraldea eta erreleboa, jarduera eta etorkizuna bermatzeko baldintzak defendatzea ere badela”.
