Barakaldok euskararen erabilera sustatzeko dirulaguntzak iragarri ditu
Barakaldoko Udala euskararen erabilera sustatzeko ekimen garrantzitsuak abian jarri ditu. 5.000 euroko aurrekontuarekin, udalerriko merkataritza, ostalaritza eta zerbitzuetako establezimenduen kanpoko irudia euskarazko errotuluen bidez indartzeko dirulaguntzak emango ditu.
2025eko azaroaren 1etik 2026ko urriaren 31ra arte euskarazko errotuluak jartzen dituzten establezimenduek dirulaguntza eskatu ahal izango dute. Dirulaguntzaren bidez, establezimenduen titularrek inbertsioaren zati bat berreskuratzeko aukera izango dute, lanen kostuaren %50 edo %25era iritsiz, eskaera bakoitzaren ezaugarrien arabera.
Iratxe Foces Euskara zinegotziak adierazi duenez, espazio publikoan euskararen presentzia bultzatzen jarraituko dute eta herritarren harreman linguistikoak etengabe normalizatzea helburu dute. Interesdunek urriaren 31ra arte aurkeztu ahal izango dituzte eskabideak.
Izapide telematikoak
Dirulaguntza eskuratzeko izapideak udalaren egoitza elektronikoaren bidez egin behar dira. Hauek egiteko, identifikazio elektronikoa lortu beharko da, doan eskuragarri dagoen B@kQ sistema erabiliz. Focesek establezimenduak laguntza hau aprobetxatzera animatu ditu, Barakaldon euskararen sustapenean aurrera egiteko.
