Andoni Iturbe, Folklore Jaialdiaren aurkezpenean
Andoni Iturbe Eusko Jaurlaritzako Kultura sailburuordeak, gaur, Portugaleteko Nazioarteko Folklore Jaialdiaren 51. edizioaren aurkezpenean parte hartu du. Jaialdiak, uztailaren 20tik 26ra egingo da, eta munduko kultura aniztasunaren topagune bihurtuko da, musika eta dantza tradizionalen bitartez.
Ekitaldian, gainera, Folklore Azokaren 20. edizioa aurkeztu da, baita Nazioarteko Haurren Folklore Jaialdiaren lehen edizioa ere. Ekimen honek, haur eta gazteen arteko kultura-trukea bultzatu eta folklorea hezkuntza, bizikidetza eta gizarteratze tresna gisa baliatzen lagunduko du.
Aurtengo programan, Guam, Txile, Turkia, Kongoko Errepublika Demokratikoa, Kuba, Polonia eta Estatuko hainbat lurraldetako taldeak bilduko ditu Portugaleten. Jaialdiaren jarduerak Euskadiko beste udalerri batzuetara ere zabalduko dira.
Azkenik, Folklore Azokak 20. edizioa beteko du, 22 artisauen parte-hartzearekin eta publiko guztiei zuzendutako tailer, kale animazio eta bestelako jarduerekin.
